भारत, गुजरातको अहमदाबादका एक ब्यक्ति कार्यालय समयबाट फुर्सद निकालेर आफ्नी प्रेमिकाका साथ सलमान खान अभिनित चलचित्र दबंग हेर्न पुगे ।

तर दबंगको टिकट हाउसफुल रहेकोले उनी रानी मुर्खजीको फिल्म मर्दानी २ हेर्न थाले । तर यतिकैमा उनकी श्रीमती फिल्म हलमा नै पुगी हगांमा मच्चाएकि छन् ।

एक परिचित ब्यक्तिले महिलालाई उनको श्रीमानलाई हलमा देखेपछि उनीपनि फिल्म हेर्न आइन् कि भनेर फोन गरी सोधे । तर श्रीमतीले आफु घरमा रहेको बताइन् ।

त्यसबेला सम्म उनले कुनै आपत्ती जनाइनन् । तर फोनकर्ताले उनका श्रीमान् एक महिलाका साथ चलचित्र हलमा रहेको बताए तब ति महिला श्रीमानलाई चेक गर्न हलमा पुगिन् ।

त्यसबेला उनका श्रीमान कर्नर सिटमा बसेर हलमा प्रेमिका साथ चलचित्रमा रमाइरहेका थिए । तत्काल ति महिलाले श्रीमान प्रति रिस पोख्दै कराइन् र गालिगलौज गर्दै हात हालिन् । ति पुरुषकी प्रेमिका पनि आपत्ति जनाउदै महिलामाथि जाइलागिन् ।

तर ति महिलालले उनको समेत कपाल तान्दै फिल्म हलको माहौल खल्बलाइन् । यतिमात्रमा घटना सकिएन, यस बिषयमा हल मालिकले प्रहरीको सहायता मागे र प्रहरी घटनास्थलमा पुग्यो ।

प्रहरी आएपछि महिलाले आफ्नो श्रीमानले धोका दिएको भन्दै मौखिक उजुरी गरीन् । प्रहरी अधिकारीले ति महिलाको लिखित उजुरी नआएकोले चौकीमा पुर्याई तीनै जनालाई सम्झाइबुझाइ गरी घर फर्काए ।