काठमाडौं – नेपाल कम्युनिस्ट पार्टी (नेकपा)को सचिवालय बैठक एक घण्टा पछाडि सारिएको छ । बालुवाटारमा आज दिउँसो १ बजेलाई बोलाइएको बैठक २ बजेलाई सारिएको हो ।

केही समयदेखि चर्किएको नेकपाभित्रको विवाद अध्यक्षद्वयको प्रस्तावपछि थप चर्किएको छ ।

मंगलवारको बैठकमा ओलीले प्रचण्डको प्रस्तावमा छलफल नै हुन नसक्ने भन्दै सचिवालय बैठकमा नआउने बताएका थिए । प्रचण्ड–नेपाल पक्षले पनि पार्टीको औपचारिक बैठकको बेवास्ता नगर्न चेतावनी दिएका थिए ।

सचिवालयमा आफू अल्पमतमा परेपछि ओलीले पटकपटक बैठक टार्ने र लम्ब्याउने गर्दै आएका छन् ।

हिजोको बैठकमा बहुमत सचिवालय सदस्यहरूले बैठक रोक्न नहुने बताउँदै कार्यकारी अध्यक्ष प्रचण्डले प्रस्तुत गरेको प्रस्तावमाथि छलफल पनि छलफल गर्नुपर्ने अडान राखेका थिए । ओलीले यस्ता बैठकको कुनै औचित्य नभएको बताएका एक नेताले भने ।

ओलीले बैठक रोकेर सहमति खोज्नुपर्छ भनेपछि दुई अध्यक्षबीच भनाभन !

प्रधानमन्त्रीको सचिवालयका एक अधिकारीका अनुसार लगत्तै बैठक राख्ने हो भने उपस्थित हुन भ्याउन्न भनेर प्रधानमन्त्रीले भनिसकेको बताए ।

मङ्सिर ३ गते बसेको सचिवालय बैठकले बिहीबारका लागि स्थायी कमिटी र २५ गतेका लागि केन्द्रीय कमिटी तय गरेको थियो ।