बलिउड अभिनेत्री सारा अली खान अहिले आफ्नो आगामी फिल्मको काममा ब्यस्त छिन् । पछिल्ला दिनमा सारा अभिनेता सुशांत सिंह राजपूतको निधनमा जोडिएको ड्रग्स मामलाका कारण चर्चामा थिइन् । तर अहिले उनको चर्चा एउटा भिडियोको कारण चुलिएको छ ।

हालै साराको एउटा भिडियो भाइरल बनेको थियो । जहाँ उनी फोटोग्राफरका सामु बिभिन्न पोजमा फोटो खिचाइरहेकी हुन्छिन् । यसैबीच एक फोटोग्राफरले उनलाई नमस्ते वाला पोज दिन आग्रह गर्छन् । जहाँ साराको जवाफ नै भिडियो भाइरल हुनु र चर्चामा आउनुको कारण बनेको छ । भिडियोमा फोटोग्राफरलाई साराले ‘नमस्ते मेरो पोज हुने गर्दैन’ भनि जवाफ दिन्छिन् । साराको जवाफ उनका फ्यान माझ निकै चर्चित भयो ।

सारा अली खानको वर्क फ्रन्टको चर्चा गर्ने हो भने उनी चाँडै कुल्ली नम्बर वनमार्फत दर्शक माझ आउँदै छिन् । यस फिल्ममा सारा अली खान बलिउड अभिनेता वरुण धवनका साथमा मुख्य भूमिकामा रहनेछिन् । यस अलावा उनी अभिनेता अक्षय कुमार र धनुषका साथ फिल्म अतरंगी रेमा समेत मुख्य भूमिका रहनेछिन् ।