काठमाडौं- प्रधानमन्त्री केपी शर्मा ओली र नेपालका लागि युरोपियन युनियनको डेलिगेसन प्रमुख नोना डिप्रेजबीच शिष्टाचार भेटवार्ता भएको छ ।

भेटका अवसरमा प्रधानमन्त्री ओलीले नेपालका लागि युरोपियन युनियनको नवनियुक्त डेलिगेसन प्रमुख डिप्रेजलाई स्वागत गर्दै उनको कार्यकालमा आपसी सम्बन्ध अझ प्रगाढ होस् भन्ने कामना गरेका छन् ।

भेटमा सहभागी प्रधानमन्त्रीका परराष्ट्र मामिला सल्लाहकार डा राजन भट्टराईका अनुसार प्रधानमन्त्री ओलीले नेपाल र इयुबीच धेरै विषयमा समनता रहेको जनाउँदै इयुले कोभिड १९ को रोकथाम र उपचारलगायत विविध विषयमा गर्दै आएको सहयोगका लागि धन्यवाद व्यक्त गरे ।

जवाफमा डेलिगेसन प्रमुख  नोनाले नेपालमा जलवायु परिवर्तन लगायतका क्षेत्रमा आफूहरुले थप सहकार्य गर्न चाहेको र विगतदेखि हुँदै आएको सहयोगको निरन्तरता हुने बताएकी थिइन ।