इस्तानबुल- टर्कीमा शुक्रबार राति गएको भूकम्पमा ज्यान गुमाउनेको संख्या ४४ पुगेको छ ।
मृतकमध्ये २ जना ग्रिसका छन् । टर्कीका राष्ट्रपति रेसेप तैयप इर्दोगानले टेलिभिजनमार्फत सम्बोधन गर्दै मृत्यु हुनेको संख्या ४२ पुगेको जनाएका हुन् ।
भूकम्पका कारण अहिलेसम्म आठ सय जना घाइते भएको टर्कीको प्रकोप तथा विपद् व्यवस्थापन कार्यालयले जनाएको छ । अझै कयौँ बेपत्ता छन् ।
टर्कीको इज्मिर सहरमा शुक्रबार ७ म्याग्निच्युडको भूकम्प गएको थियो । भूकम्पपछि भत्केका भवनमा मानिसहरू फसेको आंशकामा खोजी तथा उद्धार जारी रहेको अन्तर्राष्ट्रिय सञ्चार माध्यमहरूले जनाएका छन् ।
प्रतिक्रिया