एजेन्सी– स्पेनिस महारथी बार्सिलोनाले अमेरिकी खेलाडी सेर्गिनो डेस्टलाई अनुबन्ध गरेको छ।

बार्सिलोनाले बिहीबार बेलुका डेस्टसँग सम्झौता पत्रमा हस्ताक्षर गरेको छ । नेदरल्याण्डको च्याम्पियन टोली अयाक्सबाट बार्सिलोनाले ५ वर्षका लागि उनलाई क्लबमा भित्र्याएको हो ।

बार्सिलोनाले १९ वर्षीय युवा खेलाडी डेस्टलाई २१ मिलियन युरो खर्च गरेर अनुबन्ध गरेको हो । उनलाई लैजान बार्सिलोनाले थप ५ मिलियन युरो खर्च गरेको बताइएको छ ।अब उनी बार्सिलोनामा सन् २०२५ सम्म रहनेछन् ।

डेस्टलाई जर्मन क्लबले नि आफ्नो टीममा आवद्ध गर्ने तयारी गरे पनि बार्सिलोनाको अयाक्ससँगको सम्बन्धका कारण बार्साले भित्र्याएको समाचारहरुमा जनाइएको छ।

अघिल्लो सिजनमा उनले अयाक्सका लागि दुई गोल गरेका थिए भने ६ गोलका लागि अवसर सृजना गरेका थिए । उनले बार्सिलोनाबाट बोल्भ्स गएका नेल्सन सेमेडोको स्थान लिनेछन् ।