काठमाडौं– कपिलवस्तुकी एकजना कोरोना संक्रमति महिलाको लुम्बिनी प्रादेशिक अस्पतालमा मृत्यु भएको छ ।

अस्पतालले एक विज्ञप्ति मार्फत कपिलवस्तुको कपिलवस्तु नगरपालिका–११ की ६० वर्षीया एकजना कोरोना संक्रमित महिलाको मृत्यु भएको जानकारी दिएको हो ।

ती महिलको बुधबार बिहान ९ बजेर १५ मिनेटमा मृत्यु भएको अस्पतालले जनाएको छ । ती महिलामा भदौ ७ गते कोरोना पुष्टि भएको थियो ।

उनमा ज्वरो, श्वासप्रश्वासमा समस्या रहेको थियो । यस्तै उच्च रक्तचापको समस्या पनि पहिलादेखि नै रहेको अस्पतालले जनाएको छ ।

उनको लुम्बिनी प्रादेशिक अस्पतालको कोरोना विशेष अस्थायी अस्पतालमा आइसियुमा उपचार भइरहेको थियो । तर बुधबार बिहान उनको आइसीयुमै मृत्यु भएको अस्पतालले जनाएको हो ।