मुम्बई – सुशान्त सिंह राजपूतको आत्महत्यापछि नयाँ खुलासा भइरहेका छन् । पछिल्लो हप्ता सुशान्तका पिता केके सिंहले बिहार प्रहरीमा रिया चक्रवर्तीविरुद्ध उजुरी दिएका थिए ।

बिहार प्रहरीले यो घटनाको छानबिन गरिरहेको छ । साथै मुम्बई प्रहरीले पनि सुशान्तको आत्महत्या प्रकरणबारे छानबिन गरिरहेको छ ।

यसैबीच सुशान्तका बडीगार्डले सुशान्त र रियाका बारेमा बोलेका छन् ।

उनले रिपब्लिक टिभीको एक अन्तर्वार्तामा सुशान्त प्रायः बिरामी भएका कारण ओछ्यानमा हुने र रियाले घरमा पार्टी गर्ने गरेको बताएका छन् । जसमा पैसा पनि सुशान्तकै खर्च हुने गरेको थियो ।

‘सुशान्त बिरामी भएर ओछ्यानमा पल्टेका हुन्थे, उता रिया पार्टीमा रमाइलो गरेकी हुन्थिन्,’ उनले भने ।

उक्त पार्टीमा रियाका अलावा उनका पिता र भाइले पनि हिस्सा लिने गरेको उनले अन्तर्वार्तामा उनले बताएका छन् ।

बडीगार्डले रिया आएपछि सुशान्तको जीवनमा परिवर्तन आएको पनि बताएका छन् । उनले सुशान्त औषधि लिएपछि पूरै समय सुत्ने गरेको  बताए ।

‘पछिल्लो समय जब उनी युरोप भ्रमणबाट आएका थिए, उनी बिरामी नै थिए, सधै ओछ्यानमा हुन्थे, जबकि पहिले उनी त्यस्तो थिएनन्,’ उनले भने ।

ती बडीगार्डका अनुसार पहिले उनी निकै एक्टिभ हुने गर्थे । सुशान्तको जीवनमा आएपछि रियाले उनका स्टाफ पनि बदलेकी थिइन् ।