काठमाडौं– स्वास्थ्य तथा जनसंख्या मन्त्रालयले कोरोना परीक्षणको दायर बढाउन विभिन्न ठाउँमा ७ वटा आरएनए एक्ट्राक्सन मेसिन थप गर्ने भएको छ ।

राष्ट्रिय जनस्वास्थ्य प्रयोगशालाकी निर्देशक डाक्टर रुना झाले धेरै व्यक्तिको कोरोना परीक्षण गर्न आरएनए एक्ट्राक्सन मेसिन ७ वटा थप गर्न लागिएको जानकारी दिएकी हुन् ।

उनले ती मेसिनहरुमा क्षमता वृद्धि गरी अटोमेटिक सिस्टम थप गर्ने प्रक्रिया शुरु भएको बताइन् । डा झाका अनुसार कोरोना परीक्षणका लागि आएका नमुनाहरुलाई पुलिङ गर्ने प्रक्रिया पनि शुरु भइसकेको बताइन् ।

यस्तै एक्ट्राक्सन विना पनि ड्राइ स्वाब भन्ने नयाँ प्रविधिमार्फत कोरोना परीक्षण गर्न निर्देशिका बनाउँदै गरेको डा झाले बताइन् ।