काठमाडौं- मन्त्रिपरिषदले संसद अधिवेशन अन्त्य गर्न राष्ट्रपतिसमक्ष सिफारिस गर्ने निर्णय गरेको छ ।

आज १२ बजे प्रधानमन्त्री निवास बालुवाटरमा बसेको मन्त्रिपरिषदको आकस्मिक बैठकले स‌ंसदको अधिवेशन अन्त्य गर्न राष्ट्रपति समक्ष सिफारिस गर्ने एकल निर्णय गरेको एक मन्त्रीले जानकारी दिए ।

‘संसद् अधिवेशन अन्त्यका लागि सम्माननीय राष्ट्रपतिसमक्ष सिफारिस गर्ने निर्णय भएको छ,’ उनले भने,’यो आकस्मिक निर्णय हैन विजनेश नभएकाले आजको बैठकले एक सूत्रीय यही मात्रै विषयमा निर्णय गर्यो ।’

ती मन्त्रिका अनुसार आज बेलुका ५ बजेदेखि संसद् अधिवेशन अन्त्यका लागि राष्ट्रपतिसमक्ष सिफारिस गरिएको छ ।

बैठक अगाडि प्रधानमन्त्री केपी शर्मा ओलीले राष्ट्रपति विद्यादेवी भण्डारीलाई शितल निवास पुगेर भेटेका थिए।