काठमाडौं- नेपाल कम्युनिष्ट पार्टी (नेकपा) का वरिष्ठ नेता झलनाथ खनालले रुकुमपश्चिम चौरजहारी नगरपालिका सोतीमा भएको घटनाको निपष्क्ष छानविन गर्न माग गरेका छन् ।

उनले एक विज्ञप्ति जारी गर्दै दोषीलाई कडा कारवाही गरी पीडितलाई न्याय दिलाउन माग गरेका छन् । उनले घटनाबाट आफू स्तब्ध भएको जनाएका छन्।

उनले जारी गरेको विज्ञप्तिमा भनिएको छ, ‘गृह मन्त्रालयले गठन गरेको छानबिन टोली र मानवअधिकार आयोगले गठन गरेको छानबिन समितिले न्यायिक, निश्पक्ष र कुनै पनि प्रभाव र दबाबबाट मुक्त भइ छानविन गरोस्, पीडितले उचित न्याय पाउनुपर्छ ।’

उनले आधुनिक समाज र मानव जातिले सिर्जना गरेका मूल्यलाई समेत चुनौती दिनेगरी भएको उक्त घटनाप्रति भर्त्सना गरेका छन् ।