६ महिना पहिलेलगातार हिट फिल्मदिएपछि आयुष्मान खुरानाले एक घोषणा गरेका थिए ।

अबको ४ महिना उनी काम गर्ने छैनन् । बरु यस अवधीमा उनी घरभित्रै रहेर स्क्रिप्ट पढ्ने, खाना बनाउने र साथीसँग मनोरञ्जन गर्ने प्लान बनाएका थिए । तर अहिले आएर आयुष्मानलाई आफ्नो त्यस निर्णय प्रति पछुतो भएको छ ।

लकडाउनका कारण २ महिनायता घरभित्रै कैद रहेका आयुष्मान उनको निर्णय अनुसारको काममा ब्यस्त छन् । गतवर्ष उनले भारतीय एण्ड टेलिभिजन शोमा ७ बर्ष यता लगातार काम गरिरहेकोले अब कुनै राम्रो फिल्म पश्चात रोकिएर केहि समय निकाल्न चाहेको बताएको थिए ।

उनले बर्षमा ४ वटा फिल्ममा काम गर्दा ब्यस्त हुने भन्दै घरमा समय बिताउन चाहेको र २०२० को बर्षमा परिवारलाई सम्पुर्ण समय दिने बताएका थिए । तर आयुष्मानको उक्त इच्छाको सुनवाइ भएको छ । अर्थात फिल्म पश्चात अहिले उनको छुट्टि लम्बिएको छ ।

उनी परिवारको साथमा नै रहँदै आएका छन् । तर उनलाई आफ्नो उक्त निर्णयमा पछुतो भएको छ ।

गुलाबोसिताबो पश्चात आयुष्मानको अर्को फिल्म यस बर्ष रिलिज हुने सम्भावना छैन । किनकी उनले अरु कुनै फिल्मको सुटिङ नै गरेका छैनन् । यदि उनले छुट्टि लिने सोच राखेका थिएनन् भने र जनवरी फेब्रुअरीमा काम गरेका थिए भने गुगली, छोटी सी बातको रिमेक र शूट द पियानो प्लेयर जस्ता फिल्म पुरा हुने थियो ।

बधाई हो २ पनि अर्को बर्षका लागि धकेलिएको छ ।

हुनत अहिले आयुष्मान घरमा नै पुर्ण पारिवारिक जीवन बिताइरहेका छन् । यस समयमा उनले अनलाइनमा इण्डियन हिस्ट्रीको कोर्स गरिरहेका छन् ।