काठकाडौं- अनौपचारिक क्षेत्र सेवा केन्द्र (इन्सेक) ले नेपाल सरकारद्वारा स्थापित कोरोना भाइरस सङ्क्रमण रोकथाम, नियन्त्रण तथा उपचार कोषमा रु १० लाख चार हजार ५४ प्रदान गर्ने निर्णय गरेको छ ।

इन्सेकले आज जारी गरेको प्रेस विज्ञप्तिमा विश्वव्यापी महामारीका रूपमा फैलिएको कोरोना भाइरस रोगको सङ्क्रमणलाई फैलिन नदिन तथा सोको रोकथाम एवं नियन्त्रणका लागि उक्त रकम कोषमा दिने निर्णय गरेको हो ।

इन्सेकमा कार्यरत पूर्णकालीन कर्मचारी, ७७ जिल्ला प्रतिनिधि तथा विभिन्न परियोजनामा कार्यरत कर्मचारीको सात दिनको तलबबापतको रकम उक्त कोषमा जम्मा गरिएको हो । उक्त भाइरस सङ्क्रमणको रोकथामका लागि सरकारले गरेको प्रयासमा सानो सहयोग पुग्ने अपेक्षा इन्सेकले गरेको छ ।