काठमाडौं- वेव डेभलपरले अनधिकृत रुपमा समाचार हटाएको भन्दै काठमाडौं प्रेस डटकमले आपत्ति जनाएको छ ।

डेमो पव्लिक मिडिया प्रालिको काठमाडौं प्रेस डटकमले आफूहरुले प्रकाशन गरेको ‘महँगो स्वास्थ्य सामाग्री खरिदमा रक्षामन्त्री र प्रधानमन्त्रीका सल्लाहकारका छोराको संलग्नता’ शीर्षकको समाचार बुधवार विहान साइटको डेभलपमेन्ट र डिजाइनको काम गर्दै आएको शिरान टेक्नोलोजिज् प्रालिले हटाइदिएको भन्दै आपत्ति जनाएको हो ।

यो नेपाली पत्रकारिताको एउटा अनौठो पीडा भएको उसले जनाएको छ ।

वेब डेभलपरले समाचार पोर्टलभित्र गएर कसैका बारेमा प्रकाशित समाचार हटाएको यो पहिलो घटना भएको र यसलाई पत्रकारिता नियन्त्रणमा राख्ने र संविधानले सुनिश्चित गरेको प्रेस स्वतन्त्रता हनन् गर्ने गलत कदमको रुपमा आफूहरुले लिएको काठमाडौं प्रेसले जनाएको छ ।

यस्तो छ विज्ञप्ति