मुम्बई – बलिउडमा पछिल्लो समय चर्चामा रहेका अभिनेता कार्तिक आर्यनले कोरोना भाइरसविरुद्धको लडाइँका लागि भारतीय प्रधानमन्त्री नरेन्द्र मोदीले खडा गरेको कोषमा १ करोड रुपैयाँ सहयोग गरे ।

यतिबेला भने कार्तिकसँग जोडिएको अर्को समाचार पनि बाहिर आएको छ । खबरका अनुसार कार्तिकले एकता कपूरको फिल्म खेल्न इन्कार गरेका छन् । फिल्मका लागि एकताले कार्तिकलाई अफर गरेकी थिइन् ।

मिडियाका अनुसार कार्तिकले पहिले त मिति नै नभएको बताएका थिए । तर यसको खास कारण पारिश्रमिकमा चित्त नबुझेको बताइएको छ ।

बलिउडमा एकता कपूरले पारिश्रमिक धेरै दिन्निन् भनेर पनि चिन्ने गरिन्छ । यता कार्तिकले पनि एकपछि अर्को हिट फिल्म दिएपछि पारिश्रमिक बढाइरहेका छन् । उनले वरुण धावन र शाहिद कपूरले भन्दा बढी पारिश्रमिक माग्न थालेका छन् ।

कार्तिकको फिल्म ‘भुलभुलैया २’ रिलिज हुन बाँकी छ । यस्तै उनको अर्को सिक्वेल फिल्म ‘दोस्ताना २’ पनि दर्शकको पर्खाइमा छ ।