काठमाडौं– प्रधानमन्त्री केपी शर्मा ओली भर्ना हुन अस्पताल आउने भएसँगै चिकित्सकहरु उनको पर्खाइमा बसेका छन् ।

बुधवार दोस्रो पटक मिर्गौला प्रत्यारोपण गर्ने तयारी भएपछि प्रधानमन्त्री ओली आज त्रिवि शिक्षण अस्पताल(टिचिङ) जान लागेका हुन् ।

प्रधानमन्त्री ओलीलाई भर्ना गर्न नेफ्रो मेडिसिन एनएक्स–२ मा वेड तयारी अवस्थामा राखिएको छ ।

प्रधानमन्त्रीको उपचारमा संलग्न हुने चिकित्सकहरुको टोली टिचिङ अस्पतालमा प्रधानमन्त्री ओलीको पर्खाइमा रहेका छन् ।
प्रधानमन्त्री ओली दुई बजे आसपास अस्पताल जाने बालुवाटार स्रोतको भनाइ छ ।

दुवै मिर्गौला फेल भएपछि ०६४ सालमा भारतको एपोले अस्पतालमा ओलीको पहिलो पटक मिर्गौला प्रत्यारोपण गरिएको थियो ।

प्रधानमन्त्री ओलीको मीर्गौला प्रत्यारोपण शिक्षण अस्पतालका यूरोलोजी तथा ट्रान्सप्लान्ट सर्जन प्रा।डा। प्रेमराज ज्ञवाली नेतृत्वको टोलीले गर्नेछ ।