काठमाडौं– प्रधानमन्त्री केपी शर्मा ओली आज अस्पताल भर्ना हुँदैछन् ।

दोस्रोपटक मिर्गौला प्रत्यारोपण गर्नका लागि उनी आजै अस्पताल भर्ना हुन लागेका हुन् । मिर्गौला प्रत्यारोपण त्रिवि शिक्षण अस्पताल महाराजगन्जमा बुधबार गरिने छ ।

प्रधानमन्त्रीका प्रेस सल्लाहकार सूर्य थापाले प्रत्यारोपणका लागि भर्ना हुन सबै तयारी पूरा भएको जानकारी दिए ।

अस्पताल जानु पूर्व प्रधानमन्त्री ओलीले राष्ट्रिय योजना आयोगको बैठक बोलाएका थिए ।

विहान नौ बजेपछि बसेको आयोगको बैठक सकिएको प्रधानमन्त्रीका प्रेस सल्लाहकार सूर्य थापाले जानकारी दिए ।

आज बस्ने भनिएको मन्त्रिपरिषद्को नियमित बैठक नबस्ने जानकारी थापाले दिए ।

‘राष्ट्रिय योजना आयोगको बैठक भरखर सकिएको छ’ उनले भने,‘आज मन्त्रिपरिषदको बैठक नबस्ने भएको छ ।’

अब केही व्यक्तिसँगको भेटपछि उहाँ अस्पताल जाने थापाले बताए ।

‘एक दुई जानसँगको भेटवार्तापछि प्रधानमन्त्री ज्यू अस्पताल जानु हुनेछ’ उनले भने ।

अस्पताल जानू अघि ‘प्रेस नोट’ जारी गरिने उनले जानकारी दिए ।