काठमाडौं- जल तथा मौसम पूर्वानुमान महाशाखाले  नेपालको पूर्वी तथा मध्य भू-भागमा कमजोर पश्चिमी निम्न चापीय प्रणालीको प्रभाव रहेको जनाएको छ ।

महाशाखाले हाल देशको मध्य पहाडी भू-भागमा आशिंक बदली रहेको जनाएको छ । महाशाखाले केही दिन मुलुकको मौसम सफा रहने जनाएको छ ।

आगामी तीन दिनको मौसम पूर्वानुमान

माघ १९ गते (आइतबार)

दिउँसोः पूर्वी तथा मध्य पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ।

रातीः देशभर मौसम सामान्यतया सफा रहनेछ।

माघ २० गते (सोमबार)

दिउँसोः पूर्वी तथा मध्य नेपालका भू-भागमा आंशिक बदली रही बाँकी भू-भागमा मौसम सामान्यतया सफा रहनेछ।

रातीः देशभर मौसम सामान्यतया सफा रहनेछ।

माघ २१ गते (मंगलबार)

दिउँसोः देशभर आन्शिक बदली रहनेछ । देशको पहाडी भू-भागका एक वा दुई स्थानहरूमा हल्का बर्षाको सम्भावना रहेको छ ।

रातीः देशको पश्चिमी भू-भागमा सामान्य बदली र बाँकी भू-भागमा आन्शिक बदली रहनेछ । देशको पश्चिमी पहाडी भू-भागका थोरै स्थानहरुमा हल्का वर्षा हुने सम्भावना छ । पश्चिमी उच्च पहाडी तथा हिमाली भू-भागका थोरै स्थानहरुमा हल्का हिमपात हुने सम्भावना रहेको छ ।