काठमाडौं–साताको अन्तिम दिन बिहीबार नेप्से परिसूचक ३.२९ अंकले घटेर ११६६.२१ अंकमा झरेको छ ।
आज कारोबारमा आएका १२ समूहमध्ये तीन वटा बाहेक सबै समूह राताम्मे देखिएका छन् । सबैभन्दा बढी होटल समूह १२ अंकले घटेको छ भने उत्पादनमूलक समूह ४१ अंकले उकालो लागेको छ ।
बिहीबारको बजारमा शेयर कारोबार १५ करोड ९३ लाख रुपैयाँले बढेको छ । बुधबार ३७ करोड २९ लाख रुपैयाँ बराबरको शेयर कारोबार बिहीबार बढेर ५३ करोड २२ लाख रुपैयाँ बराबरको शेयर किनबेच भएको छ ।
साताको अन्तिम कारोबारमा कूल १७० कम्पनीको १६ लाख ६० हजार कित्ता शेयर किनबेच भएको छ । जसमध्ये सबैभन्दा बढी शिवम् सिमेन्टको ९ करोड २१ लाख रुपैयाँ बराबरको शेयर कारोबार भएको छ ।
प्रतिक्रिया