काठमाडौं–  हुम्लामा खाना पकाइरहेका बेला प्रेसर कुकर पड्किँदा एक जना गम्भी घाइते भएका छन् ।

अदानचुली ३ हुम्लाका देउलु रोकाया गम्भीर घाईते भएका हुन् । मंगलवार साँझ आफ्नै घरमा खाना पकाई रहेको अवस्थामा वासर फुत्कीएर कुकर पड्किएको थियो ।

नजिकै बसीरहेका रोकायाको टाउकोमा गम्भीर चोट लागेको घाइते रोकायाका छोरा निर्प रोकायाले जानकारी दिएश्कार

उनले भने “वासर चुटिएको रहेछ बुवाले हेर्नु भएनछ, बेस्सरी आगो बले पछि ढकन फुत्किएर बुवाको टाउँकोमा लागेछ ।”

टाउकाको हड्डीमा गम्भीर चोट लागेपछि श्रीनगर स्वास्थ्य चौकी पुगेका उनको थप उपचारको लागि मंगलबार राती नै बाजुराको धुलाचौर पुर्याईएको अदानचुली गाउँपालिकाका स्वास्थ्य संयोजक हंस महताराले जानकारी दिए ।

उनले भने “टाउकोमा गम्भीर चोट लागेको छ, थप उपचारका लागि सुर्खेत वा नेपालगञ्ज लैजाने तयारी भएको छ ।”