काठमाडौँ– स्वास्थ्य तथा जनसंख्या मन्त्रालयका अनुसार २४ घण्टामा काठमाडौं उपत्यकामा थप ५३० जनामा कोरोना भाइरसको संक्रमण पुष्टि भएको छ ।

संक्रमण पुष्टि हुनेमा २४० महिला र २९० जना पुरुष रहेका छन् ।

काठमाडौंमा ४०९, भक्तपुरमा ३६ र ललितपुरमा ८५ जना नयाँ संक्रमित थपिएका हुन् ।

मंगलबार देशभर १ हजार ३ सय ४ जनामा कोरोना संक्रमण पुष्टि भएको छ । सोमबार उपत्यकामा ८ सय ९ जना संक्रमित थपिएका थिए ।

त्यसैगरी, आज काठमाडौंमा ११, ललितपुर २ र भक्तपुरमा २ जना गरी १५ जना कोरोना संक्रमितको मृत्यु भएको छ।

हालसम्म काठमाडौंमा मात्र ८८ हजार ३०२ जना संक्रमित भएका छन्, जसमध्ये ३८६ जनाको मृत्यु भएको छ।

निको हुनेको संख्या ८१ हजार ११० छ।ललितपुरमा १३ हजार ३५९ जना संक्रमित भएका छन्। जसमा ११४ जना संक्रमितको मृत्यु भएको छ भने ११ हजार ८८४ जना निको भएका छन्।

भक्तपुरमा ७ हजार ९९५ संक्रमितमध्ये ९३ जनाको मृत्यु भएको छ भने हालसम्म ७ हजार २९८ जना निको भइसकेका छन्।आज काठमाडौमा ६ हजार ८०६, ललितपुरम १ हजार ३६१ र भक्तपुरमा ६०४ जना संक्रमित रहेको स्वास्थ्य मन्त्रालयले जनाएको छ।

आज देशभर १ हजार ३०४ जनालाई कोरोना संक्रमण पुष्टि भएको छ। योसँगै संक्रमितको कूल संख्या २ लाख ३४ हजार ७५६ पुगेको छ। २४ घण्टामा २ हजार ७३ जना डिस्चार्ज भएका छन्। डिस्चार्ज हुनेको संख्या २ लाख १६ हजार ५९४ पुगेको छ।