काठमाडौँ- नेपालका ‘ए’ डिभिजन क्लबले एफएफसीले आयोजना गर्ने कुनै पनि फुटबल प्रतियोगितामा सहभागी हुन नपाउने भएका छन् ।

अखिल नेपाल फुटबल संघ (एन्फा)ले नयाँ सिजन २०२१ को एएफसी क्लब प्रतियोगिताको सहभागीताका लागि गरेको क्लब आवेदनमा एएफसीले मापदण्ड नपुगेको भन्दै  प्रस्ताव अस्वीकृत गरेको हो ।

एन्फाले सोमबार ए डिभिजनका १३ क्लबले दिएको लाईसेन्स आवेदन रद्ध भएको जनाएको छ ।

ए लाइसेन्स प्रक्रिया लगभग नजिक पुगेको विभागीय आर्मी क्लबलाई एएफसीले आर्मीको प्रतिबद्धता र प्रयासलाई प्रशंसा गरेको छ ।

यसअघिनै एन्फाले आवश्यक कागजातहरु नपुगेको भन्दै शीर्ष डिभिजनका क्लबलाई एएफसीको लाईसेन्सको सिफारिस नगर्ने बताउँदै आएको थियो ।

एन्फाले यसपटकबाट ‘ए डिभिजन लिग’ खेल्न एन्फा लाईसेन्स अनिबार्य गरेको छ ।

गत बर्ष गलत तरिकाले क्लबलाई लाईसेन्स वितरण गरेको भन्दै एएफसीले एन्फालाई ठुलो रकम आर्थिक जरिवाना गरेको थियो ।