काठमाडौं – पूर्वयुवराज्ञी हिमानी राज्यलक्ष्मी शाहले ‘हिमानी कोश’ मा जोडिन चाहेका स्वयम् सेवकप्रति आभार प्रकट गर्दै सेवा र सहयोग गर्नु नै ठूलो धर्म भएको बताएकी छिन् ।

उनले भिडियो सन्देशमार्फत सातै प्रदेशबाट स्वतःस्फुर्त रुपमा स्वयम् सेवामा जोडिन इच्छुक सबैलाई हातेमालो गर्न आह्वान समेत गरेकी छिन् ।

हिमानी कोशले आफ्नो स्थापना कालदेखि नै स्रोत र साधनले भ्याएसम्म आफूलाई समाजसेवामा समर्पित गर्दै आएको बताउँदै पूर्वयुवराज्ञी हिमानीले विपत्तिको क्षणमा सेवा र सहयोग गर्नु ठूलो धर्म भएको बताएकी छिन् ।

‘विपत्तिको क्षणमा सेवा र सहयोग गर्नु नै ठूलो धर्म हो, हामीले नगरे कसले गर्ने, अहिले नगरे कहिले गर्ने ?,’ उनले भनिन् ।

साथै उनले आम नेपालीलाई समाजसेवामा जुट्न पनि अनुरोध गरिन् । हिमानीले भनिन्, ‘सामाजिक रुपान्तरणको हितमा सहकार्य गर्नुहुनेछ भन्ने विश्वास लिएकी छु ।’

पछिल्लो समय सामाजिक सेवामा सक्रिय रहँदै आएकी हिमानीले ‘हिमानी कोश’ मार्फत समाजसेवा गरिरहेकी छिन् । उनले समाजसेवा गर्नु हरेक नेपालीको कर्तव्य भएको पनि बताएकी छिन् ।

‘हरेक रुखले फल दिनपर्छ भन्ने जरुरी छैन, उसले शीतल पनि दिइरहेको हुन्छ,’ हिमानीले भनिन् । उनले एक नेपालीले अर्को नेपालीप्रति विना कुनै द्वेष, जात, धर्म रुप नभनी सहयोग गर्न पनि आग्रह गरिन् ।

भिडियो हेर्नुहोस्ः