काठमाडौं- स्वास्थ्य तथा जनसंख्या मन्त्रालयको तथ्यांक अनुसार मंगलबारसम्म २२ हजार १७८ जना कोरोना संक्रमित निको भएर घर फर्किएका छन् ।

पछिल्लो २४ घण्टामा  ७६८ जना कोरोना संक्रमणमुक्त भएसँगै निको हुनेको संख्या २२ हजार १७८  पुगेको हो ।

कुल संक्रमित मध्ये ५५ प्रतिशत संक्रमित कोरोना संक्रमण मुक्त भई अस्पतालबाट डिस्चार्ज भएका स्वास्थ्य मन्त्रालयको नियमित प्रेस लाइभ अपडेटमा मन्त्रालयका प्रवक्ता प्रा.डा. जागेश्वर गौतमले जानकारी दिए ।

कुन प्रदेशमा कति जना निको भए ?  

प्रदेश १ मा १६२५ जना

प्रदेश २ मा ५३९७ जना

वाग्मती प्रदेश १३३६ जना

गण्डकी प्रदेशमा १७०८ जना

प्रदेश ५ मा ५०२३ जना

कर्णाली प्रदेशमा २१०१ जना

सुदूरपश्चिम प्रदेशमा ४९८८ जना

नेपालमा मंगलबार थप १ हजार ६९ जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या ४० हजार ५२९ पुगेको छ ।

आज थप ११ जनाको कोरोनाले मृत्यु भएको पुष्टिसँगै ज्यान गुमाउनेको संख्या २३९ पुगेको छ ।