बलिउडका दिग्गज अभिनेता अनिल कपूरलाई फिटनेस आइकन मानिन्छ । ६३ वर्षीय अनिलका अगाडी बलिउडका नयाँ अभिनेता पछि पर्दछन् ।

अनिल कपूरको जस्तो सुगठित शरीर बनाउन हर कोहीले सक्दैनन् । अझ उनको उमेरका कतिपय अभिनेता बलिउडबाट अलप भइसके । तर अनिल भने अझै बलिउडमा सक्रिय छन् । उनको अभिनय यात्रालाई सहज बनाउन उनको फिटनेसले भूमिका खेलेको छ ।

अनिल अझैपनि आफ्नो शारीरिक फिटनेसमा ध्यान दिन्छन् । यसैबीच हालैमा अनिल कपूरले वर्कआउट गर्दै गरेको भिडियो सामाजिक सञ्जालमा सार्वजनिक भएको छ । उनले आफ्नो ट्विटर अकाउन्टमा लेग वर्कआउट शीर्षकमा एक भिडियो सार्वजनिक गरेका छन् । भिडियोमा उनको फिटनेस देखेर फ्यानहरु छक्क परेका छन् ।

भारतमा जारी लकडाउनमा पनि अनिल कपूरले आफ्नो फिटनेसमा ध्यान दिएका छन् । हाल उनी कार्तिक आर्यन, कियारा आडवाणी र तब्बूका साथ अनीस बज्मीको फिल्म भूल भुलैया २ कालागी काम गरिरहेका छन् ।

Never Skip Leg Day! #tuesdayworkout #strongereveryday #noexcuses pic.twitter.com/6QmfuVHIgl

— Anil Kapoor (@AnilKapoor) August 25, 2020