एजेन्सी- विश्वव्यापी महामारीको रुपमा फैलिएको कोरोना भाइरसको संक्रमण स्पेनमा पनि तीव्र देखिएको छ । बुधबार स्पेनमा थप ६ हजार २ सय १३ जनामा संक्रमण देखिएसँगै संक्रमितको संख्या १ लाख नाघेको हो ।
हालसम्म स्पेनमा कोरोना भाइरससंक्रमितको संख्या १ लाख २ हजार १ सय ३६ पुगेको जनाइएको छ । चीनको वुहानबाट शुरु भएको कोरोनाको संक्रमण यूरोपियन मुलुकहरुमा संक्रमणको दर रोकिएको छैन ।
स्पेनमा ज्यान गुमाउनेको संख्या ९ हजार ५३ पुगेको छ ।
स्पेनमा कोरोना संक्रमितमध्ये २२ हजार ६ सय ४७ जना उपचारपछि निको भएका छन् । ५ हजार ८ सय ७२ जनाको अवस्था गम्भीर रहेको जनाइएको छ भने ७० हजार ४ सय ३६ जना उपचाररत छन् ।
प्रतिक्रिया