एजेन्सी – इङ्ग्ल्यान्डका विकेटकिपर ब्याट्सम्यान जोस बटलरले कोरोना भाइरस पीडितको उपचारका लागि सहयोग गर्न विश्वकप क्रिकेटमा लगाएको सर्ट अक्सन गर्ने भएका छन् ।

उनले सामाजिक सञ्जाल ट्वीटरमार्फत् आफु फाइनलमा लगाएको सर्टलाई अक्सनमा राख्ने जानकारी दिएका हुन् ।

उनले रोयल ब्रोम्पटन एन्ड हरेफिल्ड हस्पिटलको च्यारेटिका लागि उक्त सर्ट अक्सनमा राख्ने बताएका छन् ।

‘म विश्वकपफाइनलमा लगाएके सर्टबाटलाई अक्सनमा राख्दैछु, अक्सनबाट आएको पैसा रोयल ब्रोम्पटन एन्ड हरेफिल्ड अस्पताललाई च्यारेटिमार्फत् सहयोग गर्ने छु,’ बट्लरले लेखेकाछन्, ‘गएको हप्ता उनीहरुले कोभिड १९ बाट प्रभावितको जीवन बचाउने सामाग्रीका लागि अपिल गरेका थिए त्यसैमा सहयोग गर्न चहान्छु ।’

मंगलबार उनले अक्सनमा राखेपछि सबैभन्दा धेरै ६१ हजार १ सय युरो एकजनाले मूल्य तोकेका छन् । उक्त सर्टमा इङ्ग्ल्यान्डको विश्वकप फाइनल खेलेका सबै खेलाडीको हस्ताक्षर समेत रहेको छ।