काठमाडौं – एसीसी  टी – ट्वान्टी इस्टन रिजन क्रिकेट २०२० मा हङकङले नेपाललाई १ सय ५५ रनको लक्ष्य प्रस्तुत गरेको छ ।

थाइल्यान्डमा जारी प्रतियोगिताको दोस्रो खेलमा नेपालविरुद्ध टस हारेर पहिलो ब्याटिङ गरेको हङ्कङले निर्धारित २० ओभर पुरा खेल्दै ६ विकेट गुमाएर १ सय ५४ रन बनाएको हो ।

नेपालविरुद्ध हङकङका निजाकत खानले सर्वाधिक ४८ रनको योगदान दिए । उनले ६ चौका २ छक्का प्रहार गरेका थिए ।

यस्तै, कप्तान मोहम्मद अजिज खानले २९ रन, हारोन मोहम्मद अर्सदले २७ रन र शाहिद वासिफले २६ रन बनाएका थिए ।

हङकङविरुद्ध टस जितेर पहिलो फिल्डिङ रोजेको नेपालले बलिङमा शुरुवाती राम्रो गर्न नसक्दा ठूलो लक्ष्य पाएको हो ।

 नेपालका लागि स्पिनर सन्दीप लामिछाने र सुशन भारीले समान दुई–दुई विकेट लिए भने कुशल मल्लले एक विकेट लिएका थिए ।

हङकङविरुद्धको खेलमा नेपालका स्पिन बलरले राम्रो प्रदर्शन गर्दा पेश बलरले विकेट लिन सकेनन् । नेपालका लागि पेश बलिङमा करण केसी र अभिनास बोहरा थिए ।

यसअघि शनिबार भएको पहिलो खेलमा मलेसियाले नेपाललाई समान १सय ५५ रनको लक्ष्य दिएको थियो भने नेपालले सबै विकेट गुमाएर मात्रै १सय३२ रन बनाएपछि २२ रनले पराजित भएको थियो ।