काठमाडौं – नेपाल क्रिकेट संघ (क्यान) ले बुधबार राष्ट्रिय क्रिकेट टोलीको कप्तानीको जिम्मा अनुभवी ब्याट्सम्यान ज्ञानेन्द्र मल्ललाई सुम्पिएको छ ।

कप्तान घोषित भएपछि मल्लले सामाजिक सञ्जाल फेसबुकमा स्टाटस लेख्दै कप्तानीको जिम्मेवारी पाउनु सम्मानको कुरा भएको बताएका छन् ।

‘नेपाली क्रिकेट टोलीको कप्तानी पाउनु सम्मान हो । पारसको कुशल नेतृत्वमा नेपाली क्रिकेटले एक उचाई लिएको छ, उनको साथमा नेपाली क्रिकेटले एउटा सपना पूरा गरेको छ,’ कप्तान मल्ल लेख्छन्,‘अब यो जिम्मेवारी ममा आएको छ । मेरो कार्यकालमा अहिलेको सफलतालाई कायम राख्दै आगामी दिनमा टिमलाई अझै माथि पुर्‍याउने छु ।’

कप्तान मल्लले आफ्ना समर्थकहरुलाई धन्यवाद दिएका छन् । अब मल्लको कप्तानीमा नेपालले मेरिलेबोन क्रिकेट क्लब (एमसीसी) सँगको सिरिज खेल्नेछ ।