काठमाडौं – पछिल्ला केही महिनामा ह्यामेस रोड्रिग्वेज रियल मड्रिडबाट बाहिरिने सम्भावना बढेको समाचारहरु सार्वजनिक भएको छ ।

यही सिजनमात्र रियल मड्रिड भित्रिएका रोड्रिग्वेज नयाँ सिजनका लागि रियलको प्रशिक्षणमा छन् तर उनको भविष्य रियलमा रहने नरहनेमा शंका उव्जिएको छ ।

कोलम्बियन खेलाडी सोमबार २ बर्षपछि भाल्डेबेबासमा अभ्यासमा फर्किएका छन् । जर्मन क्लब बार्यन म्युनिखसँग लोनमा आवद्ध भएपछि रोड्रिग्वेज रियलबाट टाढिएका थिए । यतिबेला रोड्रिग्वेज बर्नबेयुमा रोकिने वा शहरकै अर्को क्लब एट्लेटिको मड्रिड जालान् भन्नेले बजार तताएको छ ।

खेल पत्रिका मार्का लेख्छ,‘ह्यामेजलाई अहिले पनि थाहा छ कि उनी जिदानको पहिलो रोजाइमा पर्दैनन् , त्यसैले उनी रेगुलर खेल्न एट्लेटिको जाने सम्भावना बलियो छ । यद्यपी, मार्को एसेन्सोलाई चोट लागिसकेपछि भने रियलमा मिडफिल्डरको भूमिका बढ्न सक्छ । एसेन्सोको स्थानमा मैदान उत्रिन ह्यामेज सक्षम रहेका कारण पनि उनलाई रियलले बाहिर पठाउने मनसाय राखेको छैन । ह्यमेजलाई कुनै क्लबलाई दिइ हाल्ने मनसायमा नरहेपनि बजारमा चलेको मुल्यभन्दा धेरै माग्नने योजनामा रियल रहेको उल्लेख गरिएको छ ।