काठमाडौं – स्पेनिस महारथी रियल मड्रिडका कप्तान सर्जियो रामोसले क्लब नछाड्ने स्पष्ट पारेका छन् । रियलका कप्तान तथा डिफेन्डर रोमासले चिनियाँ क्लबमा जाने हल्ला भइरहँदा उनले आफू रियलबाटै रिटायर्ड हुन चाहेको बताएका छन् ।

यो सिजनमा कमजोर प्रदर्शन गरेको रियल छाड्ने योजनामा रहेको समाचार बाहिरिएपछि उनले बिहीबार पत्रकार सम्मेलन गरी आफूले क्लबबाटै खेल जीवन सक्ने योजना बनाएको बताएका हुन् ।

रियलका अध्यक्ष फ्लोरेन्टीनो पेरेजले बुधबार उनको नि : शुल्क ट्रान्सफरका लागि रियलसँग अनुरोध आएको बताएका थिए ।

रामोसका लागि चिनियाँ सुपर लिग खेल्ने क्लबबाट अफर आएको बताइएपनि कुन क्लब हो भन्ने चाहीँ खुलेको छैन् ।

‘यो सही हो । मलाई चिनियाँ क्लबले अफर गरेकै हो । कागजपत्र रियलको टेबुलमा आएका पनि छन् । म यो विषयमा झुठ बोल्न चाहन्न’ ३३ वर्षे रोमोसले भने,‘मेरो सपना रियलबाट खेल जिवन सक्ने छ ।’ सन् २००५ मा रियलमा जोडिएका रामोसको २०२१ सम्म क्लबसँग सम्झौता बाँकी छ ।