काठमाडौं– नेपाली राष्ट्रिय महिला टोली ओलम्पिक छनोटको दोस्रो चरणको खेलका लागि म्यानमार प्रस्थान गरेको छ । नेपाली महिला टोली दिउँसो ३ बजे म्यानमार प्रस्थान गरेको हो ।

नेपाल छनोटको समूह ‘बी’ मा रहेको छ । समूह ‘बी’मा नेपालसहित आयोजक म्यानमार, भारत र इन्डोनेशिया रहेका छन् ।

नेपालले आफ्नो पहिलो खेल अप्रिल ३ मा म्यानमारसंग खेल्नेछ भने अप्रिल ६ मा भारत र अप्रिल ९ मा ईन्डोनेसियासंग खेल्नेछ । समुहको शीर्ष स्थानमा रहने टिम अघिल्लो चरण प्रवेश गर्नेछ ।

महिला टिम

गोलकिपर : एन्जिला तेम्वाप्पो सुब्वा, अन्जना राना मगर, उषा नाथ ।
डिफेन्डर : हिरा कुमारी भुजेल, गिता राना, पुनम जर्गा मगर, अमृता जैशी, कविता धिमाल, पुजा राना, मन माया लिम्वु ।
मिडफिल्डर : अनिता बस्नेत, दिपा राई, मन्जली योञ्जन, सर्मिला थापा, सुरु लिम्बु, रेनुका नगरकोटी, अनिता के सी ।
स्ट्राइकर : रेखा पौडेल, निरु थापा कप्तान, सावित्रा भण्डारी, ।