काठमाडौं– देशको एक मात्र अन्तर्राष्ट्रिय विमानस्थल (त्रिभुवन अन्तर्राष्ट्रिय विमानस्थल) सोमबार रातिदेखि दैनिक १० घण्टा बन्द हुने भएको छ ।

त्रिभुवन विमानस्थल हाल दैनिक २२ घण्टा सञ्चालनमा रहन्छ । सोमबारदेखि भने ३ महिनाका लागि दैनिक १० घण्टा बन्द हुन लागेको नेपाल नागरिक उड्डयन प्राधिकरणले जनाएको छ ।

धावनमार्गको पूर्ण मर्मत गर्नुपर्ने भएकाले सोमबारदेखि दैनिक १० घन्टाका लागि विमानस्थल बन्द गर्नु परेको त्रिभुवन विमानस्थलका महाप्रबन्धक राजकुमार क्षेत्रीले खबरहबलाई जानकारी दिए । क्षेत्रीका अनुसार राति १० देखि विहान ८ बजेसम्मका विमानस्थल बन्द हुने छ ।

अब त्रिभुवन अन्तर्राष्ट्रिय विमानस्थल दैनिक १४ घण्टा मात्रै सञ्चालनमा रहने छ ।