बलिउडमा यो हप्ता केही घटनाक्रम निकै चर्चामा रहे । बलिउडमा ऐश्वर्या राय बच्चन गर्भवती समाचार फैलियो । त्यसैगरि मलाइका र अर्जुनको विवाहको खबर पनि गसिपको रुपमा निकै चर्चामा रहे ।

बक्स अफिसमा यो शुक्रवार दुई फिल्म चले । पहिलो विद्युत जामवालाको जंगल र अर्को मोहनीश बहलकी छोरीको डेव्यू फिल्म नोटबुक ।

मलाइका अरोडा र अर्जुन कपूरको विवाहको खबर यो हप्ता निकै चर्चा भयो । दुबैले यो महिना विवाह गर्ने समाचारहरु आएका थिए तर अर्जुका बुवा बोनी कपुरले यी हल्लाहरुलाई बिराम लगाइदिए । उनले यो समाचारमा सत्यता नभएको बताए ।

त्यस्तै कांग्रेसले मुम्बइ उत्तर लोकसभा सीटमा रंगीला गर्लको उपमा पाएकी उर्मिला मातोडकरलाई उम्मेदवार बनाएको विषयमा पनि चर्चामा रह्यो ।

त्यस्तै यो हप्ता ऐश्वर्या राय बच्चको एक तस्वीर सामाजिक सञ्जालमा भाइरल भयो । तस्वीर हेरेर धेरैले ऐश्वर्या पुन गर्भवती भएको अड्कल काटे ।

केही सञ्चारमाध्यममा समाचार पनि प्रकाशित भए । सामाजिक सञ्जालमा र सञ्चार क्षेत्रमा फैलिएको यो खबरपछि ऐश्वर्याका प्रवक्ताले यसमा कुनै सत्यता नभएको दाबी गरे । उनले गतल एंगलबाट खिचिएको तस्वीरका कारण त्यस्तो देखिएको बताए ।