एजेन्सी– फुलहामविरुद्ध जित हात पारेको म्यान्चेस्टर सिटी पुन इङ्ग्लीस प्रिमियर लिगको शीर्ष स्थानमा उक्लिएको छ । शनिबार राति भएको खेलमा सिटीले फुलहामलाई २—० गोल अन्तरले पराजित गरेको हो ।

यसअघि लिभरपुल भन्दा २ अंकले पछि रहेको सिटी जितसँगै ७७ अंकसहित शीर्ष स्थानमा उक्लिएको हो । लिभरपुलको प्रिमियर लिगमा ७६ अंकरहेको छ ।

फुलहामविरुद्ध सिटीले खेलको सुरुआतमै अग्रता बनाउँदै खेलमा आफुलाई बलियो देखाएको थियो । जसमा खेलको ५ औं मिनेटमा बेर्नाडो सिल्भाले गोल गर्दै फुलहामलाई १—० गोलले पछि पारेका थिए ।

त्यस्तै, खेलको २७ औं मिनेटमा सिटीका सर्जियो अग्युरोले गोल गर्दै टिमलाई २—० गोलको अग्रता बनाएका थिए । पहिलो हाफमै २—० अघि रहेको सिटीले दोस्रो हाफमा भने गोल गर्न सकेन । सिटीविरुद्ध फुलहामका खेलाडीले दोस्रो हाफमा रक्षात्मक खेल्दै गोल हुनबाट जोगाएका थिए ।