काठमाडौं– सकारकाले आफ्नो घरमा डेरा गरी बस्नेहरुको सम्पूर्ण विवरण प्रहरीलाई बुझाउ घरधनीलाई आग्रह गरेको छ ।

काठमाडौं लगायत शहरी क्षेत्रका घर धनीलाई भाडामा बस्नेको सम्पूर्ण विवरणसहितको सूची नजिकको प्रहरी कार्यालयमा अनिवार्य रुपमा बुझाउन गृहमन्त्रालयले आग्रह गरेको हो ।

पछिल्लो समय काठमाडौँ उपत्यका लगायत देशका मुख्यमुख्य शहरमा घर भाडामा बसेर लुटपाट, डकैती लगायत आपराधिक गतिविधि गरिरहेको भेटिएपछि मन्त्रालयले आफ्नो घरमा डेरा गरी बस्नेहरुको सम्पूर्ण विवरण नजिकैकै प्रहरी कार्यालयमा बुझाउन भनेको हो।

गृहमन्त्री रामबहादुर थापा बादल, गृहसचिव प्रेमकुमार राई र तीनै सुरक्षानिकायका प्रमुखसहितको बैठकले आपराधिक क्रियाकलाप रोक्नका लागि यस्तो निर्णय गरेको हो ।

गृह मन्त्रालयले कोठा भाडामा लिएको कोठा वा घर छाडेको जानकारीसमेत प्रहरीलाई गराउन आग्रह गरेको छ ।

केही समयअघि ठूलो संख्यामा चिनियाँ नागरिक पक्राउ परेसँगै सरकारले गरेको सुरक्षा समीक्षा पछि गृहले यस्तो निर्देशन दिएको हो ।

चिनियाँ नागरिकले उपत्यकाका विभिन्न स्थानमा महँगो रकममा घर भाडामा लिएर अवैध धन्धा चलाएको पाइएपछि सरकारले नयाँ नियम लागू गर्न लागेको हो ।