अज्ञात समूहको गोली प्रहारबाट रौतहटमा एक जना घाइते

१३ कार्तिक २०७६, बुधबार

पढ्न लाग्ने समय : < 1 मिनेट

सांकेतिक तस्बिर

रौतहट– अज्ञात समूहको गोली प्रहारबाट रौतहटमा एक भारतीय नागरिक गम्भीर घाइेत भएका छन् ।

बुधबार साँझ गौर नगरपालिका–३ मा अज्ञात समूहको गोली प्रहारबाट भारतीय नागरिक अन्दाजी ४० वर्षीय विजय गुप्ता घाइते भएको प्रहरीले जनाएको छ ।

गुप्ताको पेटमा लागेको बताइएको छ । गोली लागेर घाइते भएका गुप्ताको जिल्ला अस्पताल गौरमा उपचारका लागि लगिएको छ ।

रौतहटको विद्युत प्राधिकरणको कार्यालयनजिकै गोली चलेको प्रहरीले जनाएको छ । घटनाका विषयमा प्रहरीले अनुसन्धान जारी राखेको छ ।

प्रकाशित मिति : १३ कार्तिक २०७६, बुधबार ८ : ०२ बजे

प्रतिक्रिया