काठमाडौं– नेपाली राष्ट्रिय क्रिकेट टिमका नवनियुक्त कप्तान ज्ञानेन्द्र मल्ललाई पूर्व कप्तान पारस खड्काले बधाई दिएका छन् ।
पूर्व कप्तान पारसले सबैभन्दा योग्य व्यक्ति क्रिकेट टिमका कप्तानका रुपमा आएको पनि बताएका छन् ।
सामाजि सञ्जाल ट्वीटरमा एक सन्देश लेख्दै पारसले भनेका छन्– ‘सबैभन्दा योग्य व्यक्ति नेपाली क्रिेकेट टिमको कप्तान नियुक्त भएकोमा ज्ञानेन्द्र मल्ललाई बधाई छ । मल्ल त्यो व्यक्ति हुन्, जसले ठूलो जोस, अनुशासन र प्रतिबद्धताका साथ देशको सेवा गरेका छन् । मलाई विश्वास छ उनको नेतृत्वमा हामी नयाँ उचाइमा पुग्ने छौं ।’
Congratulations to the most deserving person @gyanu_gm11 on being appointed as the Captain of the Nepal Cricket Team. One who has served the country with great passion,discipline and commitment.I am very sure we will prosper under his leadership to new heights. pic.twitter.com/wbjK4wKnEI
— Paras Khadka (@paras77) October 30, 2019
करिब १ दशकसम्म नेपाली राष्ट्रिय टिमको कप्तानी गरेका पारसले यही असोजको अन्तिम साता राष्ट्रिय टिमका कप्तानबाट राजीनामा दिएका थिए ।
पारसको राजीनामापछि नेपाल क्रिकेट संघ (क्यान)ले ‘तत्कालका लागि’ भनेर मल्ललाई कप्तानको रुपमा तोकेको हो ।
क्यानले बुधबार नै राष्ट्रिय टिमका मुख्य प्रशिक्षक उमेश पटवाललाई नयाँ कप्तान र उपकप्तान तोकिएको बारे जानकारी दिएको छ ।
क्यानले राष्ट्रिय टिमको उपकप्तानको जिम्मेवारी दीपेन्द्रसिंह ऐरीलाई तोकेको छ ।
प्रतिक्रिया