काठमाडौं– एसीसी यू–१९ एसीया कपको तयारीका लागि श्रीलंकामा पुगेको नेपाली युवा टिम चिल मरिन्स क्रिकेट क्लवसँग ८९ रनले पराजित भएको छ ।

घरेलु टिमले दिएको लक्ष्य पछ्याएको नेपाल ४० ओभर तीन बलमा अलआउट हुँदा १३५ रनमा समेटियो । नेपालका लागि आशिफ शेखले सर्वाधिक ४५ रन जोडे भने अन्य खेलाडी चल्न सकेनन् ।

भीम शार्कीले २६, रित गौतमले २५ रन बनाए । यस्तै पवन सर्राफले १२, हरि चौहानले चार, रोहित कुमार पौडेलले ४ रन बनाए । सन्दिप जोरा र राशिद खानले खाता खोल्न सकेनन् ।

यसअघि टस हारेर पहिले ब्याटिङको निम्तो पाएको चिल मरिन्सले ५० ओभरमा ८ विकेट गुमाउँदै २ सय २४ रन बनाएको थियो ।
बलिङमा नेपालका लागि पवन सराफ र शुर्य तामाङ र रासिद खानले दुई दुई विकेट लिए भने सागर ढकाल र कमलसिंह ऐरीले एक एक विकेट लिएका थिए ।