मुम्बई – एक भारतीय मोडलले मुम्बईको बिल्डिङबाट हाम फालेर आत्महत्या गरेकी छिन् । ती मोडलले अपार्टमेन्टमा रहेको फ्ल्याटको छतबाट हाम फालेर आत्महत्या गरेको भारतीय मिडियाले लेखेका छन् ।

ती कलाकारको उमेर २२ देखि २५ वर्षको थियो । उनको नाम पर्ल पञ्जाबी बताइएको छ । उनले केही समय पहिले मात्र अभिनय क्षेत्रमा काम थालेकी थिइन् । उनी एक मोडल हुन् । पर्लले लामो समयदेखि फिल्म क्षेत्रमा आफू सक्रिय हुने प्रयास गरेकी थिइन् । तर, उनलाई सफलताले साथ दिएको थिएन ।

खबरका अनुसार उनी पहिले कतै जागीर पनि गर्ने गर्थिन् । पर्लले यसअघि पनि आत्महत्या कोशिश गरेकी थिइन् । प्रहरीका अनुसार उनलाई एकदमै छिटो रिस उठ्ने गर्थ्यो । जसका कारण आफूलाई सम्हाल्न सक्थिनन् । यसअघि दुईपटक आत्महत्या प्रयास गरे पनि उनलाई बचाइएको थियो ।

आत्महत्या पहिले के भएको थियो?

भारतीय प्रहरीका अनुसार अघिल्लो रात साढे १२ बजेतिर कुनै कुरालाई लिएर झगडा भएको थियो । पर्लले आवेशमा आएर बिल्डिङको छतबाट हाम फालेर आत्महत्या गरिन् । प्रहरीले यस घटनाको अनुसन्धान गरिरहेको छ ।