हङकङ– प्रमुख प्रजातान्त्रिक अभियान्ता जोसुवा वाङ पक्राउ परेका छन् । अन्तर्राष्ट्रिय सञ्चारमाध्यमका अनुसार वाङलाई शुक्रबार बिहान पक्राउ गरिएको हो ।
वाङको डेमोसिस्टो पार्टीले मेट्रो स्टेशनमा हिँड्दै गरेको अवस्थामा हङकङ प्रहरीले उनलाई पक्राउ गरेको जनाएको छ । डेमोसिस्टोले वाङलाई पक्राउ गरेर प्रहरी हेडक्वार्टर लगिएको जनाएको छ ।
हङकङ प्रहरीले भने वाङको पक्राउबारे कुनै प्रतिक्रिया जनाएको छैन । वाङलाई हङकङमा हुने भनिएको पूर्व निर्धारित विरोध कार्यक्रमको अघिल्लो दिन प्रहरीले पक्राउ गरेको हो ।
वाङका अतिरिक्त डेमोसिस्टो पार्टीकी महिला सदस्य इङ्गेज चाउलाई पनि शुक्रबार नै गिरफ्तार गरिएको जनाएको छ ।
यस्तै, अर्का प्रजातन्त्रवादी अभियान्ता एन्डी चानलाई पनि बिहीबार हङकङस्थित अन्तर्राष्ट्रिय विमानस्थलबाट पक्राउ गरिएको थियो ।
हङकङमा पछिल्लो ३ महिनादेखि विरोध प्रदर्शन जारी छ । शान्तिपूर्ण आन्दोलनमा प्रशासनले हस्तक्षेप गरेर हिंसा भड्काएको आन्दोलनरत पक्षको भनाइ छ ।
BREAKING: Our secretary-general @joshuawongcf was just arrested this morning at roughly 7:30, when he was walking to the South Horizons MTR station. He was forcefully pushed into a private minivan on the street in broad daylight. Our lawyers following the case now.
— Demosistō 香港眾志 (@demosisto) August 30, 2019
प्रतिक्रिया