पाँचथर– पाँचथरको फाल्गुनन्द गाउँपालिका–५ फाक्तेपमा जङ्गली च्याउ खाँदा एक महिलाको ज्यान गएको छ ।

जंगली च्याउ खाँदा गजेन्द्र चेम्जोङको श्रीमती वर्ष ४७ की सुनिता चेम्जोङको ज्यान गएको प्रहरीले जनाएको छ । च्याउ खाँदा बिरामी भएकी उनकी सासू ७० वर्षीय सञ्चमाया चेम्जोङको विर्तामोड स्थित मनमोहन हस्पिटलमा उपचार भइरहेको छ ।

च्याउ खाएको दुई दिन पछि वाकवाकी भएको र साउन नौ गते स्थानीय फाक्तेप स्वास्थ चौकी घुर्बिसे पञ्चमीमा उपचारको लगिएको थियो।

प्राथमिक उपचार गरि मनमोहन हस्पिटल विर्तामोड रेफर गरिको थियो। त्यहाँ सुनिताको उपचार हुन नसके पछि विपि कोइराला स्वास्थ बिज्ञान प्रतिष्ठान धरान पठाइएका थियो।

धरानमा आइसीयु कक्ष खाली नभएकोले विराट नर्सिङहोम विराटनगरमा उपचार गर्दै गर्दा सुनिताको साउन १४ गते बिहान ८ बजे ज्यान गएको फाक्तेप प्रहरी चौकी फाल्गुनन्द–५ का इन्चार्ज प्रहरी सहायक निरीक्षक पेलेङ्गसिं धिमालले जानकारी दिए।