काठमाडौं– लामो समयदेखि बन्द रहेको मलेसिया रोजगारी खुल्ने भएको छ । मलेसिया सरकारले अगष्ट महिनादेखि विदेशी कामदार रोजगारीका लागि लैजाने प्रक्रिया गर्ने भएको छ ।

गत वर्षदेखि आन्तरिक समस्या देखाउदै विदेशी कामदार ल्याउन मलेसिया सरकारले बन्द गरेको थियो । रोजगारीका लागि मलेसियाले विदेशी कामदारमाथि विभिन्न संस्थाले आर्थिक शोषण गरेको आरोप लागेपछि कानून निर्माण गर्ने भन्दै त्यहाँ सरकारले सन् २०१८ देखि विदेशी कामदार लैजान रोक लगाएको थियो ।

रोजगारीका लागि मलेसयामा विदेशी श्रमिकको करारअवधिभर उनीहरुको गतिविधिका विषयमा जानकारी राख्ने अनलाइन प्रणालीको विकास गरी विदेशी कामदार लैजाने तयारी भइरहेको मलेसियाको अध्यागमन विभागलाई उदृत गदै मलेसियाली विभिन्न सञ्चारमाध्यम जनाएका छन् ।

मलेसिया रोजगारीका लागि जाने विदेशी कामदारको सवै प्रमाण अब अनलाइनबाट अध्यागमनले निगरानी गर्ने भएको छ । मलेसिया हाल पनि अवैध रुपमा बसी २० लाख विदेशी कामदारले रोजगारी गरिरहेका जनाइएको छ ।

ती कामदार आममाफीको प्रक्रियाको माध्यमबाट स्वदेश फर्किन मलेसिया सरकारले अवसर दिएको छ । गत जुलाईदेखि अगष्ट अन्तिमसम्म सवै अवैध रुपमा बसेका विदेशी कामदार आममाफी प्रक्रियामा सहभागी हुन मलेसियाको अध्यागमनले अपिल गरेको छ ।

मलेसियामा १ लाख ५० हजार नेपाली अवैध भइ रोजगारी गरिरहेको मलेसियास्थित नेपाली दूतावासले जनाउँदै आएको छ ।