अमेरिका– मानिसहरुका इच्छा तथा चाहना अनेक किसिमका हुन्छन् । आफ्नो शोख पूरा गर्न उनीहरु त्यसैमा अनवरत लागिरहेका हुन्छन् ।

अमेरिकामा एउटा यस्ता व्यक्ति छन् उनले ४ हजार भन्दा बढी हातहतियार संकलन गरेका छन् । उनीसँग भएका यस्ता हातहतियार प्राचीनदेखि आधुनिकसम्म छन् ।

ती नागरिक हुन– मेल बर्नस्टेन । हातहतियार धेरै भएकै कारण विश्वकै सबैभन्दा धेरै हतियार राख्ने व्यक्तिका रुपमा चिनिन्छन् उनी। उनीसँग ४ हजार भन्दा धेरै हतियारको भण्डार छ । जसका कारण उनी ‘वान म्यान आर्मी’का नामले पनि चिनिन्छन् ।

बर्नस्टेन अमेरिकाको चर्चित ड्रागन हतियार पसलका मालिक हुन् । उनको हतियार भण्डारमा आधुनिक बन्दुक, मेसिनगन, पेस्तोल लगायतका हतियार छन् । हतियार भण्डारसँगै उनीसँग ६ वटा सुटिङ रेन्ज, पेन्टबल पार्क तथा मोटरक्रस पार्क पनि छन् ।

उनले लस भेगास हमला पश्चात आफ्नो पसलबाट निकै ठूलो सङ्ख्यामा हतियार बिक्री भएको खुलासा गरेका छन् ।