काठमाडौं – चलचित्र ‘प्रेम गीत ३’ मा क्रिष्टिना गुरुङ ‘गीत’ को भूमिकाका लागि छानिएकी छिन् । निर्माण टिमले झण्डै एक महिना लगाएर फिल्मको शीर्ष अभिनेत्री चयन गरेको हो ।

निर्माण टिमको दाबीअनुसार फिल्ममा नायिकाको आह्वान गरेसँगै २ हजार ७ सय १४ जना प्रतिस्पर्धीले सहभागिता जनाएका थिए । निर्माण टिमले तीमध्येबाट उत्कृष्ट २५ छानेको थियो । उत्कृष्ट २५ को अडिसन लिएर तीमध्येबाट उत्कृष्ट ५ चयन गरिएको थियो ।

सबै प्रतिस्पर्धीलाई उछिन्दै क्रिष्टिना छनोटमा परेकी हुन् । उनी अडिसनमै सहभागी हुन अमेरिकाबाट नेपाल आएकी थिइन् ।

निर्देशकद्वय छेतेन गुरुङ र सन्तोष सेनले सबै प्रतिस्पर्धी उत्तिकै प्रभावशाली भएको भन्दै अडिसनमा भाग लिने सबैलाई धन्यवाद दिएका छन् ।

यसअघि नै फिल्ममा शिव श्रेष्ठ, सुनील थापा, मनिष राउत, प्रदीप खड्का, अनुभव रेग्मी लगायतका कलाकार अनुबन्ध भइसकेका छन् ।

चलचित्र यसै वर्षको चैत्र २८ गते रिलिज हुने जनाइएको छ ।