मुम्बई – बलिउड अभिनेता ऋषि कपूर छिट्टै नै भारत फर्कँदै छन् । यतिबेला उनी न्यूओर्कमा घुमघाम गरिरहेका छन् । र, त्यहाँ सपिङ पनि गरिरहेका छन् ।

हालै एउटा कुराले भने ऋषि कपूरलाई चकित बनाएको छ । त्यो पनि जुत्ताको मूल्य ।

ऋषि खासमा जुत्ता किन्नका लागि एक स्टोरमा पुगेका थिए । उनले त्यहाँ ५ हजार डलर (साढे ३ लाख) देखि ४० हजार डलरका जुत्ता देखेर हैरान भए । ४० हजार डलर अर्थात् नेपाली २७ लाख ५८ हजार रुपैयाँ ।

Zoom on to the prices below and see it. Reminded of the saying. “Joota sone ka ho ya chaandi ka-pehna toh jaata hai paon mein” Crazy! pic.twitter.com/6NjemHFtzE

— Rishi Kapoor (@chintskap) June 27, 2019

ऋषि कपूर न्यूओर्कको सबैभन्दा ठूलो स्नीकर स्टोरमा थिए । यहाँका तस्वीर शेयर गर्दै ऋषिले लेखे, ‘मूल्यलाई जुम गरेर हेर्नुस्, यसले मलाई एक पुरानो कहावत याद दिलायो, जुत्ता सुनको होस् या चाँदीको, खुट्टामै लगाउनुपर्छ ।’

ऋषिका अनुसार यो स्टोरमा करीब १२ हजार स्टाइल र मोडलका जुत्ता छन् । रमाइलो कुरा त, ऋषिको यो ट्वीटमा एक प्रयोगकर्ताले लेखेका छन्, ‘यो सबै यहाँ चोकमा १ हजारदेखि ५ सय रुपैयाँमा पाइन्छ ।’