काठमाडौं– ब्रोकर्स एशोसिएशन अफ नेपालले आर्थिक वर्ष २०७६÷७७ को बजेटलाई स्वागत गरेको छ । उच्च प्राथमिकताका साथ धितोपत्र बजारको विकास र विस्तार गर्ने बजेटमा उल्लेख भएको भन्दै स्टक ब्रोकर्सले बजेटको स्वागत गरेका हुन् ।

एशोसिएशनले विज्ञप्ति जारी गरी बजेटप्रति सेयर बजार व्यवसायीहरु आशावादी रहको प्रतिक्रिया दिएका छन् । शेयर बजारमा हुने कारोबारलाई विद्युतिकरण गरी पारादर्शी, सुरक्षित र छरितो बनाइने प्रावधानले सेयर बाजर थप मजदुत बन्ने उनीहरुले विश्वास व्यक्त गरेका छन् ।

लाभकर गणना भारित औषत लागत विधिबाट गर्ने व्यवस्थाले गणनामा अन्योलता हटेको उनीहरुको भनाई छ । एनआरएनलाईलाई दोस्रो बजारमार्फत पनि लगानी गर्न सकिने व्यस्थाहरु खोलिएकोले पुँजीबजार अरु दरिलोबन्दै जाने विज्ञप्तिमा उल्लेख छ ।