काठमाडौं – दयाहाङ राई स्टारर फिल्म ‘आप्पा’ को ट्रेलर सार्वजनिक भएको छ । राजधानीमा आयोजित एक औपचारिक कार्यक्रममा फिल्मको ट्रेलर सार्वजनिक गरियो ।

फिल्ममा दयाहाङ राईको शीर्ष भूमिका  छ । दयाहाङले फिल्ममा आप्पा (बुबा) को भूमिका निभाएका छन् । बाबु–छोराको कथालाई लिएर निर्माण भएको यो फिल्ममा सिद्धार्थ राज तामाङ, अलोना काबो लेप्चा, तुल्सी घिमिरे, अरुणा कार्की लगायतका कलाकारको पनि शीर्ष भूमिका  छ ।

निमेश श्रेष्ठको सम्पादन रहेको फिल्ममा रुदेन सदा लेप्ताको लगानी छ । यस्तै फिल्ममा अनमोल गुरुङको लेखन तथा निर्देशन रहेको छ । फिल्मको स्किृप्ट अनमोल गुरुङ र उमेश उपमाले तयार पारेका हुन् ।

यस्तै चलचित्रले असार १३ गतेलाई प्रदर्शन मिति घोषणा गरेको छ ।