काठमाडौं – अभिनेत्री साम्राज्ञी राज्यलक्ष्मी शाहको दर्शकमाझ गज्जबको क्रेज छ । नेपालका चर्चित नायिकामा साम्राज्ञीको नाम अग्रपङ्तिमा आउँछ । उनले नेपाली फिल्म क्षेत्रमा ‘ड्रिम्स’ मार्फत डेब्यु गरेकी थिइन् । पहिलो फिल्मबाट नै राम्रो क्रेज बनाएकी साम्राज्ञी अहिले पनि सबैभन्दा धेरै माग भएकी नायिकामा गनिन्छिन् ।

साम्राज्ञीका फ्यानले उनको स्वभावबाट पनि प्रभावित भएको प्रतिक्रिया दिने गर्छन् । अन्तर्वार्तामा पनि उनी निकै विचार गरेर बोल्ने र गसिपको पछि नलाग्ने नायिकाका रुपमा चिनिन्छिन् ।

पछिल्लो समय रिलिज भएका फिल्म ‘तिमी सँग’ र ‘कायरा’ ले बक्स अफिसमा खासै व्यापार गर्न सकेनन् । यतिबेला उनी चलचित्र ‘मारुनी’ को छाया‌ंकनमा व्यस्त छिन् । यो फिल्मलाई नवल नेपालले निर्देशन गरिरहेका छन् ।

सामाजिक सञ्जालमा पनि उत्तिकै सक्रिय रहने साम्राज्ञीले छानेर मात्र फिल्ममा काम गर्ने गर्छिन् । अभिनयका हिसाबले पनि उनलाई राम्रो अभिनय गर्ने नायिकाका रुपमा हेरिन्छ ।

सामाजिक सञ्जालमा सक्रिय रहने साम्राज्ञीले इन्स्टाग्राममा पोस्ट गरेका केही तस्वीर हामीले लिएका छौँ: