काठमाडौं– तराईका भू-भागमा बाक्लो हुस्सु/कुहिरो लागेको छ भने देशका अन्य भू-भागमा मौसम सामान्यतया सफा रहेको जल तथा मौसम पूर्वानुमान महाशाखाले जनाएको छ ।

हाल नेपालमा उल्लेखनीय मौसमी प्रणाली विकसित नभएको उसले नाएक छ । उपत्यकामा चिसो बढेको छ भने हिमाली क्षेत्रको तापक्रम निकै घटेको छ ।

आगामी तीन दिनको मौसम पूर्वानुमान

पौष १४ गते (सोमबार)

दिउँसो : देशको पश्चिमी पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ।

राति : देशको पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ।

पौष १५ गते (मंगलबार)

दिउँसो : देशभर आंशिक बदली रहने देखिन्छ।

राती : देशका अधिकांश भू-भागमा आंशिकदेखि सामान्य बदली रहनेछ।

पौष १६ गते (बुधबार)

दिउँसो : देशभर आंशिक देखि सामान्य बदली रहि पश्चिमी र पूर्वी पहाडी भू-भागमा हल्का वर्षाको संभाबना रहेको छ। उच्च पहाडी र हिमाली भु-भागमा हल्का देखि मध्यम खालको हिमपात पनि हुने संभाबना रहेको छ।

राती : देशभर आंशिक देखि सामान्य बदली रहि देशका थोरै स्थानमा हल्का वर्षाको संभाबना रहेको छ। उच्च पहाडी र हिमाली भू-भागमा हल्कादेखि मध्यम खालको हिमपात पानि हुने संभाबना रहेको छ ।